အယ်နီညိုရာသီဥတု ဒဏ်ကြောင့် သတိလစ်ခြင်းမှ အသက်ဆုံးရှုံးသည်အထိ ဖြစ်နိုင်၍ သက်ဆိုင်ရာ၏ ထုတ်ပြန်ကြေညာချက်များကို ဂရုစိုက်ရန် လို
26 February 2016 19:38(+0630) (၁ ရက် ခန့်က)
အယ်နီညိုရာသီဥတုဒဏ်ကို ခံစားနေရခြင်းကြောင့် အပူချိန် မြင့်မားလာမည့် ယခုနှစ် နွေရာသီအတွက် သက်ဆိုင်ရာ ၀န်ကြီးဌာနမှ ကြေညာချက်များကို ပြည်သူများအနေဖြင့် ဂရုစိုက် လိုက်နာသင့်ကြောင်း သက်ဆိုင်ရာ ပညာရှင်များ၏ ပြောဆိုချက်အရ သိရှိရသည်။
ထို့ပြင် အစိုးရဘက်မှလည်း ၎င်းတို့၏ ထုတ်ပြန် ကြေညာချက်များကို ပြည်သူများ အမှန်တကယ် သိရရှိစေရန် ဆောင်ရွက်သင့်ပြီး ထုတ်ပြန်ချက်များကို လိုက်နာအောင် ဆောင်ရွက်သင့်ကြောင်းလည်း မိုးလေ၀သပညာရှင် ဒေါက်တာထွန်းလွင်က ပြောသည်။
လက်ရှိအချိန်၌ ပြည်သူ့ကျန်းမာရေး ဦးစီးဌာန၊ ကျေးလက်ဦးစီးဌာန စသည့် ဌာနများက အပူချိန်ကြောင့် ဖြစ်ပေါ်လာနိုင်သည့် အန္တရာယ်များကို ထုတ်ပြန်ကြေညာ ပေးလျက်ရှိကြောင်း သိရသည်။
အပူချိန်မြင့်မားမှုကြောင့် ရေရှားပါးမှုများ ဖြစ်ပေါ်လာနိုင်ပြီး လူသားများအတွက်မူ ခေါင်းမူးခြင်း၊ ခေါင်းကိုက်ခြင်း၊ ချွေးထွက်လွန်ခြင်း၊ နှလုံးခုန်မြန်ခြင်း၊ ပျို့အန်ခြင်းများအပြင် သတိလစ်ခြင်းမှ အသက်ဆုံးရှုံးသည်အထိ ဖြစ်နိုင်ကြောင်း ဆရာဝန်များထံမှ သိရသည်။
“အမိုးအကာမရှိဘဲနဲ့ အလုပ်လုပ်နေကြတယ်။ တချို့ ဦးထုပ် မရှိဘူး။ လုံခြုံရေးအတွက်တင် မကဘူး ၊ ဘေးအကာတွေ သာမက ခေါ်ပေါ်မှာလည်း ကာဖို့လိုသလို၊ (နေပူအောက်မှာ လုပ်ရတဲ့သူတွေကို) သူတို့ကို အနည်းဆုံး နှစ်နာရီခြားတစ်ခါ အနားပေးမှသာလျှင် အပူစုပ်တဲ့ဒဏ်ကို ခံနိုင်မယ်။ သူတို့ကို အင်္ကျီလက်ရှည် ပွပွကြီးတွေ ပေးဝတ်ထားရမယ်” ဟု အထွေထွေရောဂါကု ဆရာဝန် ဒေါက်တာဦးမြင့်ဦးက ပြောသည်။
လက်ရှိအချိန်၌ မကွေး၊ ပဲခူး၊ ကရင်၊ တနင်္သာရီ ဒေသများ၌ အပူချိန် မြင့်တက်လာနိုင်ပြီး မတ်လဆန်းပိုင်း ရောက်လျှင် အပူချိန် ၄၀ ဒီဂရီစင်တီဂရိတ်အထက် ရောက်သွားနိုင်ကြောင်း မိုးလေ၀သပညာရှင်များက ခန့်မှန်းထားသည်။
သတင်း - MMK
Photo - Saung Phyu
The Ladies News
0 comments:
Post a Comment